Stórvarasamt - Einangrunargildi hraunkvikunnar blekkir!

Nýstorknuð hraunkvika er geysilega góður hitaeinangrari.  Þetta er vel þekkt og er steinull t.d. búin til með því að bræða upp basaltberg við um 1200°C og kæla með því að blása lofti.

Þegar ískaldur vindur leikur um bráðinn hraunstraum myndast því "náttúrulegt steinullarlag" efst sem er ekki heitara en svo að hægt er að ganga á því.  Þessi "skurn" getur verið örfáir cm en hún einangrar seigfljótandi 800-1000°C heita hraunkvikuna undir svo hún kólnar mikið hægar.

Skurnin getur hæglega brotnað, ekki síst ef menn leika sér að því að láta hana dúa, og þá er viðkomandi í slæmum málum!

Fólk gengur á dúandi hrauninu

Athugasemdir

[Einar Steinsson, 8.4.2010 kl. 12:53]

"og þá er viðkomandi í slæmum málum!"

Ætli viðkomandi sé þá ekki jafnframt komin í hóp þeirra sem eiga tilkall til Darwin verðlaunanna.

[Ólafur Ingi Hrólfsson, 8.4.2010 kl. 15:28]

Fínt að sýna frá gosinu - að fara á bílum þarna upp er fásinna -

Fólk er að ganga út á nýtt hraun vegna þess að það dúar svo skemmtilega -

það gæti dúað niður úr - og hvað gerist þá - ??  þá öskra allir - hvar var lögreglan - hvar var hvar var -

ég spyr - hvar var skynsemi þessa fólks??