13. ráðherrann hættur!

Menn hafa stundum gantast með að Indriði hafi verið 13. ráðherrann, slík hafi völd hans og áhrif verið úr sæti aðstoðarmanns Steingríms.  Spurning hvort einhverra áherslubreytinga sé að vænta?

Huginn Freyr kom ágætlega fyrir í Kastljósi fyrr í vetur og vonandi verða þessi skipti landsstjórninni til gæfu.

Eitt hans fyrsta stóra verk verður væntanlega að halda utan um samninganefnd Íslands í nýjum viðræðum við Hollendinga og Breta.  Í því ljósi er umhugsunarvert hvort það hefði verið heppilegra að finna manneskju sem ekki hafi verið jafn innviklaður í upphaflegu IceSave samningana.

Huginn tekur við af Indriða

Athugasemdir

[Jón Steinar Ragnarsson, 8.4.2010 kl. 12:42]

Farið hefur fé betra og Indriði má halda áfram norður og niður. Það setur þó að mér nettan hroll við að enn einn vitleysingurinn úr samninganefnd Svavars skuli koma í staðinn. Hvernig dettur mönnum í hug að treysta þeim, sem fóru í þá bjarmalandsför? 

Þetta lið er viti sínu fjær, í orðsins fyllstu merkingu. Engan úr þessari nefnd takk. Það er frumskilyrði.

[Jón Steinar Ragnarsson, 8.4.2010 kl. 12:47]

Hvaða erindi á svo vísindaheimspekingur í þessa stöðu???  Ég legg til að Jón Daníelsson hjá London school of economics verði fenginn í þetta.  Þetta er hreint ótrúleg ráðstöfun verð ég að segja, en eftir öðru, hafandi fallista í jarðfræði í embætti fjármálaráðherra.

[Ólafur Ingi Hrólfsson, 8.4.2010 kl. 15:46]

Jón Steinar - mæltu manna heilastur - VG + starfaði með SG - samningamanni þjóðarinnar númer eitt frá landnámi - læriföður fjármálaráðherra -

það verður væntanlega tekið á málum með algjörlega nýjum hætti - engin hætta á öðru - Svavars-Steingríms heljartökin sem Indriði er búinn að framfylgja svo rækilega verða varla linuð.

Indriði í sérverkefnum - hva - gleymdist að hækka einhverja skatta????

Indriði reddar því - á launum við sérverkefni. 

[Bjarni Pálsson, 8.4.2010 kl. 22:40]

Já, hvað á Indriði að gera núna?

Búinn að hækka:

- Tekjuskatt

- Fjármagnstekjuskatt

- Eignaskatt

- Virðisaukaskatt

- Eldsneytisskatt

- Áfengisskakka

- Orkuskatt

- Ferðamannaskatt

- Sjúkraskatt (innlagnagjöld)

- RÚV-skatt

... hann þarf að leggja höfuðið í bleyti til að finna upp á nýjum skatti... selja inn á Fimmvörðuháls, fábjánaskatt, ... ég veit ekki hvað kemur næst!

[Ólafur Ingi Hrólfsson, 9.4.2010 kl. 03:38]

Já sko Bjarni - hann er jú sérfræðingurinn - hann kann þetta allt - held að hann hafi skrifað skattakúgunarlistann - en eitthvað er eftir - t.d. súrefnisskattur - norðurljósagjald - vindskattur - sólskattur - birtuskattur - myrkurskattur - lækjaskattur - þúfuskattur - o.fl.o.fl og allt verða þetta nefskattar - sem minnir mig á það að hann getur líka sett á nefskatt sem heitir nefskattur.

Jájá - hann getur dundað sér við ýmislegt. Svo vantar skoðanaskatt.