Stutt í frummanninn í Íslendingum

Í kjölfar bankahrunsins fór af stað mikil umræða um brostið siðferði í banka- og viðskiptalífinu.  Almenningur er reiður og vill skýringar, sumir jafnvel hefnd.  En fólk veit ekki hvert það á að beina reiðinni.

Rannsóknanefnd alþingis um orsakir bankahrunsins var sett á laggirnar til að fletta ofan af því og sérstökum hópi fagmanna var falið að greina mögulega siðferðisbresti.  En fjölmiðlar og almenningur hafa einnig keppst við að fjalla um siðferði og mögulega siðferðisbresti.  Þá er ekki alltaf jafn faglega unnið.

En nú er farið að bera á nýju og annars konar siðferði hér á landi sem ekki er betra.  Bæði almenningur og oft fjölmiðlar mistúlka, oftúlka og brengla frásagnir af staðreyndum til reyna að finna sökudólga hrunsins.  Víða ber á ofsóknum. 

Ég held að almenningur á Íslandi þurfi að rifja upp frásagnir af gyðingaofsóknum, nornaveiðum og jafnvel rifja upp boðskap biblíu og kirkju um almennt um kristilegt siðferði áður en áfram er haldið á þeirri braut sem þjóðir er að komast hættulega nálægt.

Segir sig af lista Framsóknarflokksins

Athugasemdir

[Eiður Ragnarsson, 28.4.2010 kl. 07:26]

Sá yðar sem syndlaus er.... Á nokkuð vel við hér núna, ég er ekki viss um að allt sem landin hefur verið að álykta undanfarið sé rétt..

Mér virðist það vera svo að ef að einhver í opinberri stöðu hefur þegið lánafyrirgreiðslu sem nemur meir en af einni íbúð og bíl, þá sé það gert tortryggilegt....  Má vera að sumstaðar leynis möðkuð mysa en ekki víst að það sé alsstaðar....